HEM RAJKORONN OXENCH CHOLUNK DIVPACHEM?

pattlea satallent thaun, savarthachie khuxien ani podviechie 

paxen Goyant ani Kornattokant rajki mollar kitem ghoddlam tem

soglleank khober asa. Goychea rajkoronnant Kongress Pokxache 

10 amdar altoddchean poltoddi Bharatiya Janata Pokxant (BJP) pavle.

Punn Kornattokant, Kongress Pokxache ani Janata Dal (S) Pokxache 

15 amdar altoddchean bhair sorun poltoddi BJP-ant vochunk bhair 

sorlole te, 'FUDDARI' chhapkhanneant vochum porian poltoddi

pavunk nasle. Rajki mollar, rajkornniancho svarth itlo khor asta, 

taka altoddchean poltoddi vochun aplo pokx bodlunk, xedd'ddeak

rong bodlunk vell lagta tache porosui unnem lagta! Vinchnnuk

loddounk veta tie meren tankam apunn kiteak rajkoronnant

bhitor sorta hi khobar asonam. Dekun, to vinchun apunn kiteak

rajkoronnant aila tem chintunk poddta. Ani tednam oslio, motdarank

ani motdarsonghank ghat korpachim te pavlam ubarun meklle zatat.